Reagon Bashkimi!

Sigkos Bashkimi është mposhtur të shtunën nga Sigal Prishtina në Prishtinë në ndeshjen e tretë të Play Offit dhe këtu ka përfunduar stinorin. 

Mirëpo, ata në një reagim publik kanë theksuar tre momentet e rëndësishme që sipas tyre kanë ndikuar në rrjedhën e lojës, ku gjithashtu i kanë uruar kundërshtarit plasmanin në finale të Play Offit. 

“Sigal Prishtinës i urojmë fitoren dhe plasmanin në finale. Ndërsa lidhur me referimin në këtë ndeshje mendojmë se duhet theksuar tre momente të rëndësishme: 

1. Caktimi i tre referëve nga Prishtina, kur loja luhet kundër Sigal Prishtinës. 

2. Rrjedhimisht, referimi tendencioz vjen nga fillimi i ndeshjes. 

3. Si pasojë vjen te dekurajimi dhe demotivimi i lojtarëve të Sigkos Bashkimit që nga fillimi i ndeshjes.

Veprime të tilla tendencioze dhe jokorrekte si dhe caktimi i referëve dhe mënyra e referimit të tillë, dekurajon të gjithë punëtorët sportiv dhe dashamirët e sportit të cilët pa kursyer mund janë angazhuar gjatë gjithë stinorit,” thuhet ndër të tjera në reagimin e klubit të portokalltë nga Prizreni. 

Duke uruar që në të ardhmen referime të tilla të jenë sa më të rralla në palestrat e Kosovës, kryesia e klubit Sigkos Bashkimi, ka përfunduar reagimin e saj.