DUELI I MADH, QË NË START TË VITIT
Basketbollistët e Vushtrrisë duke festuar mbylljen e pjesës së parë të stinorit si liderë të Ligës së Parë/ Foto: KBVushtrria/ fb
Viti i Ri nis me derbi
Teksti: FBK
5 January, 2023 @17:02
Të premten do të zhvillohet xhiroja e 20-të në Ligën e Parë të Meshkujve.
Sfida kryesore do të zhvillohet mes Istogut dhe Vushtrrisë. Istogasit kanë 13 fitore e katër humbje, kurse vushtrriasit kanë 14 fitore e tri humbje, andaj pritet një përballje shumë interesante mes këtyre dy skuadrave.
Takimi i parë i xhiros zhvillohet mes skuadrave prishtinase, Prishtina e Re, që ka shtatë fitore e 11 humbje dhe Bora-s, që numëron 11 fitore e gjashtë humbje.
Ndeshja e dytë zhvillohet ndërmjet AS Prishtinës dhe Gjakovës së Re, ku prishtinasit kanë 17 humbje në po aq ndeshje të zhvilluara, ndërsa skuadra nga Gjakova ka shtatë fitore e dhjetë humbje.
Happy Dukagjini do të ndeshet me Borea-n. Klinasit kanë pesë fitore e 12 humbje, kurse pejanët deri më tani kanë tetë fitore e dhjetë humbje.
Një nga kandidatet kryesore për të hyrë në “Play-off”, Drita, do të sfidohet nga Marigona Hill Prishtina. Skuadra gjilanase numëron 13 fitore e katër humbje, kurse ajo prishtinase pesë fitore e 12 humbje.
Liga e Parë e Meshkujve-Java 20
E premte
12:15 Prishtina e Re - Bora
16:30 AS Prishtina - Gjakova e Re
17:00 Happy Dukagjini - Borea
18:30 Drita - Marigona Hill Prishtina
19:00 Istogu - Vushtrria.
