Vllaznia, me fitore dramatike ndaj Bashkimit

Njëra prej skuadrave më të zhurmshme me përforcime, Bashkimi, është mposhtur në ndeshjen e parë përgatitore para tifozëve vendas ndaj skuadrës nga Shkodra, Vllaznia.

Debutuesit e sivjetëm në Balkan League fituan fare në fund me dy pikët e Ivica Petriç, derisa pikët e Boban Medenicas në sekondat e fundit të ndeshjes nuk u regjistruan në semafor pasi kishte skaduar koha.

Te skuadra shkodrane, që udhëhiqet nga trajneri i mirënjohur Bledar Gjeçaj, plajmekeri slloven Mirza Sarajlija ishte i pandalshëm duke shënuar 28 pikë, prej tyre gjashtë trepikësha, derisa Nemanja Gavranic ishte po ashtu nga më të dalluarit me 18 pikë.

Te Bashkimi, dy lojtarët e vetëm të huaj, Spencer Dixon dhe Boban Medenica, ishin koshashënuesit më të mirë me nga 17 pikë secili, kurse qendra e prizrenasve, Dragomir Marojevic, nuk u paraqit fare në këtë përballje për shkak të lëndimit.

Bashkimi nesër do ta zhvilloj edhe një ndeshje tjetër miqësore në Gjakovë, ku do të takohet me skuadrën e Vëllaznimit.

Rezultatet sipas çerekëve

Përbërjet e ekipeve