Vllaznia regjistrohet në BIBL

Për herë të parë në Balkan League do të paraqitet një ekip nga Shqipëria. Vllaznia është regjistruar edhe zyrtarisht si anëtare e re e ligës ballkanike, pas inspektimit që e ka bërë zyrtari i lartë i kësaj lige, Kamen Toshev, në Shkodër. 

Lajmin e ka bërë të ditur faqja zyrtare e kësaj lige, derisa kampionja e re e Shqipërisë thuhet se do të merr mbështetje nga BIBL në hapat e para të saj në këtë ligë. 

Vllaznia e Shkodrës udhëhiqet nga njëri ndër basketbollistët më të mirë shqiptar, Bledar Gjeçaj, që në fillimvitet e dekadës së shkuar ka qenë pjesë e Bashkimit të Prizrenit në Kosovë.