VUSHTRRIA - LIPJANI
Vushtrria thellon krizën e Lipjanit
25 November, 2020 @19:32
Skuadra e Vushtrrisë ka shënuar fitoren e radhës, duke e mposhtur Lipjanin me rezultat 73-52.
Vushtrria me dominim total e regjistroi fitoren e tretë të sezonit.
Albion Imeri me 15 pikë, 5 kërcime e 4 topa të rrëmbyer ishte njëri ndër më të mirët te Vushtrria, derisa u ndihmua edhe nga Nesar Hoti me 12 pikë dhe Engjëll Ramaj me 11 pikë të tjera.
Te Lipjani më i dalluari ishte Hamit Sllamniku me 18 pikë.
Aktualisht Vushtrria me 3 fitore e 3 humbje gjendet në TOP 4 në Ligën e Parë, derisa Lipjani gjendet në fund të tabelës me 6 humbje.
Në xhiron tjetër Vushtrria do të përballet me Megasportsin në Prizren, kurse Lipjani e pret liderin AS Prishtina.
