Warriors mposht Cavsin përsëri

Cleveland Cavaliers dhe Golden State Warriors, sot në mëngjes u përballën në Quicken Loans Arena.

Këto dy skuadra u ballafaquan në finalen e madhe të NBA-së në 3 stinorët e fundit.

Cavs në dy çerekët e parë arriti ta kontrollojë ndeshjen, ndërsa këndellja e Warriorsit erdhi në pjesën e dytë të ndeshjes. Sidomos në çerekun e katërt, djelmoshat e trajnerit Steve Kerr, kaluan në epërsi dhe e ruajtën deri në fund për ta mposhtur kundërshtarin me rezultat 118-108.

Kevin Durant ishte më i miri te Warriorsat me 32 pikë, 8 asistime e 5 kërcime, derisa u ndihmua nga Stephen Curry me 23 pikë dhe Draymond Green që ishte larg një asist nga shifrat magjike triple-double (11 pikë, 16 kërcime, 9 asistime).

Te Clevelandi shkëlqeu LeBron James me 32 pikë, 8 kërcime, 6 asistime e 4 bllokada, por nuk mjaftoi për fitore.

TABELA AKTUALE

Kjo ishte fitorja e 13-të rresht për kampionin aktual Warriors, si mysafir, derisa e 36-ta në total dhe gjenden në krye të Konferencës Perëndimore.

Cavs në anën tjetër regjistroi humbjen e katërt me radhë!