YLLI - TREPÇA
TOPSPORTI / Arian Paçarizi
Ylli fiton para derbit
24 March, 2019 @18:36
Skuadra e Yllit, duke e mposhtur Trepçën me rezultat 77-61, përsëri u vendos në pozitën e dytë, që e kishte marrë Rahoveci dje.
Edhe pse është pritur që të kalojë më vështirë kjo ndeshje për Yllin, ndodhi e kundërta. Djelmoshat e trajnerit Arben Krasniqi, që nga fillimi i ndeshjes e deri në fund kontrolluan lojën për ta regjistruar fitoren e radhës.
Clayton Everett ishte më i miri te Ylli me 18 pikë, 7 kërcime e 6 asistime, derisa u ndihmua edhe nga Alban Veseli 13 pikë e Bambale Osby me double-double prej 14 pikëve e 13 kërcimeve.
Te Trepça vetëm Besnik Azemi e Valdrin Haxhiu luajtën me pikë dyshifrore. Azemi shënoi 14 pikë, kurse Haxhiu 10, por nuk mjaftoi për fitore.
Kjo ishte fitorja e 16 e stinorit për Yllin, krahas 7 fitoreve që i ka, kurse Trepça ka bilanc prej 9 fitoreve e 14 humbje dhe gjendet në pozitën e gjashtë.
Në xhiron e radhës Ylli do të përballet me Rahovecin në palestrën “Mizahir Isma”, derisa Trepça me Lipjanin.
