Ylli mëson kundërshtarët në FIBA Europe Cup

Pas eliminimit nga faza kualifikuese për në Ligën e Kampionëve të Basketbollit, skuadra kampione e Kosovës, Ylli, ka mësuar kundërshtarët e fazës grupore në FIBA Europe Cup, ku shkon automatikisht.

Kështu, skuadra nga Suhareka do të jetë pjesë e Grupit A në fazën grupore të FIBA Europe Cup, ndërsa tashmë i din dy nga tre kundërshtarët e grupit.

Hapoel Galil Elyon është njëri kundërshtar, që vjen nga Izraeli. Ndërsa kundërshtari tjetër i grupit është Niners Chemnitz nga Gjermania. Bashkë me këta, kundërshtari i radhës në Grupin A do të mësohet pas fazës finale kualifikuese.

Ndeshjet e para në fazën grupore të FIBA Europe Cup do të luhen më 12 tetor.