SUHAREKË
Ylli mposht rivalin direkt, Vëllaznimin
23 November, 2014 @21:13
Ylli ka arritur të shënojë fitore tejet të rëndësishme ndaj Vëllaznimit sonte në Suharekë.
Fitorja e suharekasve do t’iu jep krahë atyre për ndeshjet e radhës, pasi që me paraqitje të mirë po i afrohen vendit të pestë të tabelës.
Me fitoren e ngushtë të Yllit, 81-76, tashmë dy skuadrat e këtij takimi, që mund të cilësohet si derbi i pjesës së poshtme të tabelës, kanë bilanc të barabartë, 3-7.
Epërsia e pjesës së parë, vendosi
Në fakt, Ylli krijoi epërsi të konsiderushme për derbi në fund të pjesës së parë, kur e përmbyllën atë me rezultat 39-31.
Vëllaznimi e morri çerekun e tretë me dy pikë epërsi, për të ulur rezultatin në total, 59-53. Ekipi i Jeton Nixhës edhe në çerekun e fundit ishte më i mirë se Ylli, por për vetëm një pikë, që ishte e pamjaftueshme për të shkrirë epërsinë e suharekeasve të arritur në pjesë të parë.
Pesëshja e parë e Yllit, që edhe po bart lojën e skuadrës së Agron Berishës, ka shënuar pikë dyshifrore.
Startuesit e Yllit, më të mirë
Më efikasi ka qenë vendasi Artin Gashi me 18 pikë, derisa Najee White dhe Urim Zenelaj dominuan nën kosh me double-double prej 17 pikë e 10 kërcime dhe 15 pikë e 12 kërcime, përkatësisht.
Te gjakovarët më efikasi ka qenë si zakonisht Dino Hodzic. Mirëpo, përveç treshes së huaj, asnjëri nga lojtarët kosovarë nuk ka arritur të shënojë pikë dyshifrore.
Hodzic shënoi 26, Mario Hajdic 20 ndërsa amerikani Phil Brooks 19 pikë tjera në humbje të gjakovarëve.
Vëllaznimi mund të këndellet që në xhiron e radhës pasi që ndeshet me Kastriotin, ndërsa Ylli do të ketë punë të vështirë ndaj Pejës.
Statistikat ekipore
| YLLI | VËLLAZNIMI | ||
| Çereku i parë | 19 | 16 | |
| Çereku i dytë | 20 | 15 | |
| Çereku i tretë | 20 | 22 | |
| Çereku i katërt | 22 | 23 | |
| Kërcime | 40 | 19 | |
| Asistime | 22 | 14 | |
| Topa të vjedhur | 5 | 4 | |
| Topa të humbur | 16 | 13 | |
| Tentime për tre pikë | 5/24 | 7/20 | |
| Tentime nga loja | 32/74 | 28/55 | |
| Gjuajtje të lira | 12/17 | 13/21 |
Statistikat individuale te Ylli
| 1 | Artin Gashi | 18 pikë | 5 kërcime | 4 asistime |
| 2 | Najee White | 17 pikë | 10 kërcime | 1 asistim |
| 3 | Derrick Washington | 17 pikë | 7 asistime | 3 kërcime |
| 4 | Urim Zenelaj | 15 pikë | 12 kërcime | 1 asistim |
| 5 | Charles Hammork | 13 pikë | 8 kërcime | 8 asistime |
| 6 | Erris Nushi | 1 pikë | 1 kërcim | 1 asistim |
Statistikat individuale te Vëllaznimi
| 1 | Dino Hodzic | 26 pikë | 3 kërcime | 2 asistime |
| 2 | Marijo Hajdic | 20 pikë | 4 asistime | 3 kërcime |
| 3 | Phil Brooks | 19 pikë | 5 asistime | 2 kërcime |
| 4 | Qëndrim Ajazaj | 4 pikë | 3 kërcime | |
| 5 | Imer Tahiri | 3 pikë | 1 kërcim | 1 asistim |
| 6 | Driton Rraci | 2 pikë | 4 kërcime | 1 asistim |
| 7 | Korab Prekazi | 2 pikë | 3 kërcime | 1 asistim |
