Ylli mposht Trepçën, ia zvogëlon gjasat për Play Off

Një ndeshje mjaft interesante është zhvilluar sonte mes Yllit dhe Trepçës në Suharekë.

Mitrovicasit e filluan ndeshjen fuqishëm dhe e mbyllën çerekun e parë me rezultat 19-31, mirëpo epërsia e tyre u ‘zhduk’ në çerekun e dytë, çerek në të cilin Ylli reagoi dhe e riktheu epërsinë në anën tjetër.

Në pjesën e dytë, intensiteti i ndeshjes ra, me Yllin që arriti të shkëputet dukshëm në rezultat dhe ta mbyllë dilemën e fituesit. Pas 40 minutave lojë, rezultati final i takimit ishte 92-73.

TABELA AKTUALE SUPERLIGA

Më të dalluarit te Ylli sonte ishin Mike Harmon me 30 pikë, 5 kërcime e 4 asistime, Artin Gashi me 18 pikë e 6 kërcime dhe Marvin Smith me 17 pikë, 17 kërcime e 4 asistime, derisa te Trepça u veçuan Samir Zekiqi me 29 pikë, 9 kërcime e 2 asistime dhe Besnik Azemi me 25 pikë, 12 kërcime e 4 asistime.

Kjo fitore bën që bilanci i Yllit tashmë të jetë 14-10, kurse Trepça momentalisht ka bilanc 11-13.