KUPA E KOSOVËS: YLLI - FERONIKELI
TOPSPORTI/ Lis Dorambari
Ylli në Final Four
28 February, 2019 @18:12
Skuadra e trajnerit Arben Krasniqi, Ylli, duke e mposhtur Feronikelin me rezultat 103-82, u kualifikua në Final Four të Kupës së Kosovës.
Dallimi më i madh në ndeshje u bë në çerekun e tretë, ku skuadra e Yllit shënoi 32 pikë, derisa i pësoi 12. Më pas, përpjekjet e Feronikelit nuk mjaftuan për ta befasuar kundërshtarin nga Superliga.
Gjashtë lojtarë te Ylli luajtën me pikë dyshifrore. Alban Veseli luajti me 21 pikë e 9 kërcime, kurse u ndihmua edhe nga Romelo Banks me double-double prej 17 pikëve e 14 kërcimeve.
Te Nikli shkëlqeu Arti Hajdari me 32 pikë, por performanca e tij nuk mjaftoi.
Ylli në gjysmëfinale të Kupës së Kosovës do të përballet nesër me Prishtinën në ora 16:30.
