Zgjohet Trepça

Kampionja e Kosovës e dy stinorëve më parë, Trepça, është këndellur sonte me fitore ndaj Bashkimit në ndeshjen e zhvilluar në Malishevë, për shkak të rinovimit të stërgjatur në Minatori të Mitrovicës. 

Për mitrovicasit ka debutuar sonte spanjolli i parë në Kosovë, Jan Orfila, i cili edhe ka thënë fjalën e fundit në ndeshje, duke i shënuar pikët vendimtare të ekipit të tij. 

Në anën tjetër, Bashkimi ka arritur të merr epërsinë kah çereku i tretë i ndeshjes me lojën shumë të mirë të organizatorit kroat, Josip Blajic. 

Përkundër se Trepça gjatë çerekut të fundit kaloi në 9 pikë epërsi, Bashkimi përsëri i zuri ata dhe doli përpara, por prizrenasit në fund nuk mundën t’i bëjnë ballë sulmeve të mira të mitrovicasve të cilët fituan derbin e xhiros së pestë të Superligës me rezultat përfundimtar 79-74. 

Ndeshja ka qenë tejet interesante dhe në disa raste është ndërprerë për t’u rregulluar ndriçimi në palestër si dhe semafori, të cilat kanë ‘mërzitur’ të pranishmit me shpeshtësinë e mospunës së mirë. 

Kjo është fitorja e dytë për Trepçën në këtë stinor, pas asaj ndaj RTV 21, ndërsa Bashkimi ka regjistruar humbjen e tretë të stinorit, pas dy fitoreve radhazi.

Rezultatet dhe tabela aktuale.

REZULTATI, Sipas çerekëve

Trepça-Bashkimi 79-74

(26-25; 45-42; 61-63 dhe 79-74)

Statistikat individuale te Trepça

1	Robert Goff	20 pikë	1 asistim	4 kërcime
2	Dominique Lacy	17 pikë	1 asistim	1 kërcim
3	Jan Orfila	14 pikë	1 asistim	5 kërcime
4	Joshua Brown	14 pikë	5 asistime	3 kërcime
5	Besnik Azemi	6 pikë	1 kërcim
6	Fikret Handzic	3 pikë	1 kërcim
7	Gazmend Asllani	3 pikë	5 kërcime
8	Valdrin Haxhiu	2 pikë	5 asistime	4 kërcime

Statistikat individuale te Bashkimi

1	Denis Vrsaljko	19 pikë	2 asistime	6 kërcime
2	Josip Blajic	14 pikë	9 asistime	6 kërcime
3	Dino Erceg	11 pikë	1 asistim	8 kërcim
4	Valentin Spaqi	10 pikë	1 asistim	3 kërcime
5	Justin Cecil	10 pikë	2 asistime	5 kërcime
6	Qëndrim Biraj	6 pikë	2 asistime	1 kërcim
7	Bruno Daliu	4 pikë