GRUPI A
Kanarinat fluturojnë me fitore
25 October, 2013 @22:21
Skuadra turke, Fenerbahçe Ulker, është tepër e kënaqur nga trajneri Obradoviç. Ndikimi i tij, po vërehet dukshëm në skuadër, ngase Feneri, ende nuk ka shijuar humbje me të në ndeshjet zyrtare.
Ata fitoren e radhës e regjistruan kundër gjigantit spanjoll, Barcelona. Kanarinat, në pjesën kryesore të ndeshjes ishin më të mirët, ku e përfunduan ndeshjen me rezultat 75-70.
Ylli lituanez, Linas Klieza, shkëlqeu me 22 pikë e katër kërcime, ku u ndihmua edhe nga kroatët, Luka Zoric me 12 e Bojan Bogdanovic me 11 pikë.
Ndërsa në anën tjetër te katalonasit u dalluan ylli europian Juan Carlos Navarro me 18 pikë e Ante Tomic me 16 sosh.
Basketbollisti me prejardhje nga Kosova, Kenan Sipahi, ia nisi ndeshjes në pesëshen e parë të Obradoviçit, duke luajtur 11 minuta dhe shënoi 5 pikë.
Kjo ishte fitorja e dytë e Fenerbahçes, ndërsa Barcelona pas fitores në javën e parë, tani u njoftua edhe me humbje në xhiron e dytë të Euroleague-së.
Video
Fenerbahce - Barcelona
GRUPI A
| 1 | Fenerbahçe Ulker | 2 F | 0 H | |
| 2 | CSKA Moscow | 2 F | 0 H | |
| 3 | Barcelona | 1 F | 1 H | |
| 4 | Partizan | 1 F | 1 H | |
| 5 | Budivelnyk | 0 F | 2 H | |
| 6 | Nanterre | 0 F | 2 H |
