Zëvendësimet gati te Drita

Drita, e cila ka nisur kampionatin në mënyrë gati perfekte, duke regjistruar tre fitore nga katër ndeshjet e para të stinorit, ka paraqitur për regjistrim në Federatë të Basketbollit të Kosovës, dyshen amerikane Darrick Thomas dhe Brian Towner. 

Dyshja Thomas dhe Towner do të jenë pjesë e skuadrës gjilanase pas përfundimit të obligimeve të klubit ndaj Federatës, derisa do të zëvendësojnë dyshen e larguar Fabo Wilson dhe Travis Taylor, të cilët u larguan nga klubi për shkak të mosdisciplinës, siç kishte thënë kryetari i këtij klubi Fazli Fazlija. 

Për Thomasin 25 vjeçar që luan në pozitën e alos, kjo do të jetë përvoja e parë jashtë Amerikës, derisa e njëjta gjë vlen edhe për Toënerin. 

Të dy këta do të mund të debutojnë këtë fundjavë ndaj RTV 21-shit në Prishtinë. 

Drita ka regjistruar startin më të mirë të stinorit në katër vitet e fundit.