Funches, përforcimi i ri i Besës

Skuadra pejane e ardhur këtë edicion për herë të parë në Superligë, Besa, ka gjetur zëvendësim për amerikanin e larguar Kenneth Smith. 

Ekipi pejan ka paraqitur për regjistrim në Federatën e Basktebollit të Kosovës alon amerikane Charles Funches. 

Funches, që së fundmi ka luajtur në Aarhus të Danimarkës ka pasur një mesatare prej 11.8 pikëve për ndeshje, 7.5 kërcime dhe 0.6 asistime. 

Ai më parë ka luajtur edhe për ekip si Wanderers në ligën e Uruguajit si dhe Paris JC të një lige regjionale amerikane. 

Ky është përforcimi i parë i skuadrës pejane pas largimit të qendrës uzbeke Dmitry Sviridov. 

Besa deri më tani nuk ka shijuar fitore në Superligë, derisa ka njërin ndër trajnerët më me përvojë. Në katër xhirot e para, pejanët kanë regjistruar katër humbje. 

Këtë fundjavë Besa ndeshet me Pejën në derbin lokal që pas shumë kohësh i kthehet qytetit pejan.