Kundërshtari i radhës fiton bindshëm

Sot përveç ndeshjes Sigal Prishtina - Balkan në Ligën Ballkanike, është luajtur edhe ndeshja ndërmjet skuadrës malaziase, Teodo dhe asaj izraelite, Galil Gilboa.

Fitores i’u gëzua ekipi izraelit, i cili fitoi me rezultat bindës 75-96.

Lojtari më i dalluar i ndeshjes ishte Amit Simhon nga Galil Gilboa, i cili luajti me 18 pikë, derisa te Teodo më i miri ishte Igor Kunjic me 14 pikë.

Galil Gilboa do të jetë kundërshtari i radhës i Sigal Prishtinës më 30 tetor, në ndeshjen që do të luhet në Izreal.

Ky takim pritet të jetë më i vështiri për prishtinasit, pasi që ekipi izraelit është kampion aktual i Ligës Ballkanike dhe llogaritet si njëri prej favoritëve kryesorë edhe këtë stinor.

Peja në pushim

Skuadra tjetër e cila po e përfaqëson Kosovën në ligën BIBL, Peja, ka pauzuar në këtë xhiro. Kampionja aktuale, e cila u mposht në ndeshjen e parë në Gjevgjeli nga Kozuvi, ndeshjen e radhës do ta luajë më 31 tetor në Karagaç ndaj ekipit bullgar, Levski.

Tabela aktuale.