LLAPI - DRITA
2 gola nga Daku, Llapi mposht Dritën
2 April, 2017 @16:53
Në një mot shumë të përshtatshëm për lojë, Llapi e Drita dhuruan një ndeshje të bukur për futbolldashësit, me plot raste për shënim në të dyja anët, e në fund fitores iu gëzuan llapjanët, që takimin e mbyllën me fitore 2-0.
Heroi i këtij takimit ishte Mirlind Daku, 19-vjeçari që shënoi dy herë në pjesën e parë, për t’ia siguruar kështu 3 pikë të reja skuadrës së tij.
Përveç dy golave, Llapi kishte edhe disa raste të tjera për shënim, mirëpo rastet nuk munguan as për gjilanasit, të cilëve goli iu mohua disa herë falë paraqitjes fenomenale të portierit Avdyli, i cili e shpëtoi disa herë skuadrën e Llapit.
Kjo fitore e afron Llapin me vendin e tretë, ndërsa Drita mbetet në zonën e ‘ftohtë’.
