AS PRISHTINA - VUSHTRRIA
4 lojtarë me pikë dyshifrore në fitore
5 March, 2021 @21:13
Xhiroja e 13 në Ligën e Parë të Kosovës në basketboll, mbyllet me fitoren e AS Prishtinës kundër Vushtrrisë me rezultat 78-65.
Pas humbjes në xhiron e kaluar ndaj Istogut, AS Prishtina nuk gaboi ndaj Vushtrrisë dhe arriti një fitore të rëndësishme.
Ermir Gashi ishte koshashënuesi më i mirë te skuadra e Valentin Spaqit me 21 pikë, kurse u dalluan edhe Don Polloshka me 19 pikë, Alban Latifaj me 14 pikë, 12 asistime e 7 kërcime dhe Dardan Sejdiu me 14 pikë e 11 kërcime.
Te Vushtrria si zakonisht më i veçuari ishte Erhan Sholla me 25 pikë, 9 kërcime e 4 asistime, derisa u ndihmua edhe nga Butrint Zabërgja me 12 pikë e 11 kërcime.
AS Prishtina gjendet në pozitën e tretë me 11 fitore e 2 humbje sikurse Istogu në pozitën e dytë, kurse Vushtrria ka bilanc prej 6 fitoreve e 7 humbjeve në pozitën e gjashtë.