PAS NDESHJES SË III
600€ dënim për Prishtinën e Bashkimin
22 May, 2017 @12:46
Pas ndeshjes së tretë të serisë finale ndërmjet Sigal Prishtinës dhe Bashkimit të zhvilluar të premten më 19 maj, të dyja ekipet janë dënuar me nga 300 euro nga Komesari i Garave të FBK-së, shkruan Informatori i botuar sot.
Arsyeja e dënimit për skuadrat në fjalë është e njejtë si për vendasit ashtu edhe për mysafirët: ndezje e fishekzjarreve në tribuna nga shikuesit ende pa përfunduar ndeshja.
Kështu si Sigal Prishtina, ashtu edhe Bashkimi do të duhet të pagujnë dënim shtesë para ndeshjes së radhës, të katërt të serisë, derisa kryeqytetasit janë një fitore larg titullit kampion.
Ndeshja e katërt e serisë zhvillohet në Prizren, në palestrën Sezai Surroi, të mërkurën me fillim në ora 19:00.
