VUSHTRRIA - KERASAN PRISHTINA
Ademi udhëheq Vushtrrinë në fitore
26 January, 2019 @14:48
Vushtrria ka nisur me fitore pjesën e dytë të stinorit në Ligë të Parë të basketbollit, duke e mposhtur sot Kerasan Prishtinën me 9 pikë dallim, 79-70.
Mendrit Ademi ka qenë lojtari kryesor te vushtrriasit sot. Ademi ka shënuar 25 pikë në fitoren e ekipit, derisa ka kontribuuar edhe me 4 asistime e 3 kërcime.
Përveç tij, 12 pikë të tjera i ka shënuar edhe Abelard Rashiti, që ka pasur edhe 5 topa të rrëmbyer.
Kerasani tregoi lojë të mirë në fund të ndeshjes, por rikthimi ishte i pamundur në çerekun e fundit. Te ekipi prishtinas u dallua Donat Rexhepi me 21 pikë e 2 asistime, ndërsa me double-double ndeshjen e përfundoi Edison Gashi [11 pikë, 13 kërcime].
Fitorja bën Vushtrrinë që të përmirësojë bilancin në 3-7, ndërsa Kerasani ka bilancin 2-8.
