PAS NDESHJES
Alban Veseli: I lumtur me fitoren
15 October, 2016 @21:52
Pas fitores në derbi ndaj Prishtinës, Alban Veseli u shpreh i lumtur me fitoren e skuadrës së tij.
“Jam shumë i lumtur me fitoren. Nuk ka rëndësi sa pikë shënova unë, sepse kur humb skuadra, edhe po t’i shënosh të gjitha pikët nuk ka rëndësi. Me rëndësi është fitorja e skuadrës, sepse kundër Prishtinës është gjithmonë e vështirë.
E filluam takimin të relaksuar, pasi që Prishtina vinte pas 2 humbjeve, mirëpo ata luajtën mirë. Në pjesën e dytë ne e morrëm veten dhe fituam.
Sikur të na pyesni neve, çdo ndeshje do ta luanim me vazhdime, pasi që është një kënaqësi e basketbollit për ne dhe për fansat.
Është herët të flasim për titull, momentalisht duhet vetëm ta ulim kokën dhe të punojmë.” - u shpreh Veseli pas ndeshjes, të cilën ai e mbylli me 17 pikë të shënuara.
