Mbyllet ndeshja, fiton Peja

RAPORTI I PLOTË I NDESHJES

PAS VAZHDIMEVE

Peja është treguar skuadër më e mirë pas vazhdimeve dhe ndeshja ka përfunduar me rezultat 81-73. Pas pak raporti i plotë i ndeshjes.

ÇEREKU I KATËRT

Me barazim është mbyllur ndeshja pas 4 çerekëve dhe fituesi duhet të përcaktohet pas vazhdimeve. Loja ishte në dorën e Pejës, mirëpo ishte Trajkovski ai që e riktheu në lojë Prishtinën dhe ndeshja u mbyll me barazim.

ÇEREKU I TRETË

Çereku në të cilin erdhi ringjallja e pejanëve. Peja e filloi shumë mirë çerekun e tretë, duke e shkrirë epërsinë e Prishtinës dhe pas 4 minutave, rezultati ishte i barabartë në 36-36. Ndeshja u barazua edhe në 41-41, 43-43 e 45-45 pas pak minutave, duke na njoftuar që çereku i fundit pritet të jetë i nxehtë. Pas 30 minutave, Peja 48-47 Prishtina.

Deri më tani, Trajkovski ka 8 pikë për Prishtinën, kurse tek Peja më të dalluarit janë Veseli dhe Reed me nga 12 pikë. (SHËNIM: Statistikat LIVE nga zyrtarët e ndeshjes nuk janë duke funksionuar.)

ÇEREKU I DYTË

Pas 20 minutave, rezultati i derbit mes Pejës e Prishtinës shënon 24-32.

Peja e filloi mirë çerekun e dytë me treshet e Veselit dhe Reed-it, mirëpo Prishtina u kundërpërgjigj me treshet e Lawrence (i cili ka 3 gabime personale deri më tani) dhe Vrbanc. Më pas ndeshja ishte pothuajse e barabartë dhe çereku i dytë mbyllet me epërsinë e Prishtinës prej 8 pikëve.

ÇEREKU I PARË

Në derbin e dy pretendentëve për titull, çereku i parë është mbyllur me rezultat 8-20.

Çereku i parë ishte mjaft interesant, ndërsa u mbyll me një treshe të Gerti Shimës nga gjysma e fushës. Trajkovski është dalluar me 6 pikë dhe Rugova me 5 pikë, kurse tek Peja disa lojtarë kanë nga 2 pikë secili.