Albatrit Berisha kalon te Bashkimi

Skuadra prizrenase, Bashkimi, pas arritjes së marrëveshje me dyshen kroate Josip Blajic dhe Dino Erceg, ka përforcuar radhët e tij edhe me basketbollistin Albatrit Berisha. 

Njoftimin e ka bërë të ditur për Borozani.com sot menaxheri i skuadrës nga Prizreni, Arlind Kaçaniku. 

Berisha i cili së fundi ka veshur fanellën e RTV 21-shit, do t’i bashkohet prizrenasve këto ditë. Berisha para se të kalojë në skuadrën e Teleboysave ka veshur edhe fanellën e Kolegjit Univers. 

Prishtinasi Berisha edhe stinorin e kaluar kishte tentuar t’i afrohej ‘Arpaxhikëve’ por RTV 21 nuk ia kishte dhënë lejen pasi që kishte ende kontratë me ata. 

Aloja që është i njohur me ‘dorën e butë’ të tij prej vijës jashtë 6.75 metra është përforcimi i parë kosovar i Bashkimit për stinorin 2013/14 pas dyshes së lartëpërmendur kroate.  

Përkundër se nuk ka asnjë zyrtarizim me sponzorin e ri të skuadrës së portokalltë nga Prizreni, krerët e klubit po vazhdojnë me përforcime, prandaj mund të konkludohet se marrëveshja është arritur në parim.