Fitore pa vlerë

Turqia më në fund fitoi, por kjo fitore nuk kishte vlerë, ngase ata u eliminuan nga Kampionati Europian në ndeshjen e tretë, kundër Greqisë. Megjithatë fitorja e turqve është regjistruar. Ata e mposhtën Suedinë me rezultat 87-74. 

Tridhjetë vjeçari Ender Arslan, ishte më i miri tek turqit me 22 pikë të shënuara. Ai u ndihmua edhe nga lojtari i Milwaukee Bucksit, Ersan Ilyasova me 21 sosh.

Turqia nesër do të luaj një tjetër ndeshje formale, pikërisht me Rusinë, ku edhe ata janë duke e kaluar kampionatin në mënyrë katastrofale, ngase i humbën të gjitha ndeshjet e zhvilluara deri më tani.

Izraeli e mposhti Belgjikën

Një fitore tjetër formale, erdhi nga Izraeli. Sikurse Turqia, edhe ata janë të eliminuar nga Kampionati Europian. Izraelitët arritën ta mposhtin Belgjikën me rezultat 87-69, ndërsa më i dalluari në ndeshje ishte Afik Nissim me 23 pikë.

Sllovenia e shijon humbjen

Nikoqirja Sllovenia, pësoi humbje për herë të parë, në ndeshjen e katërt kundër Kroacisë, pas vazhdimeve. Ndeshja përfundoi me rezultat 76-74 në favor të Kroacisë. 

Më i disponuari në ndeshje, ishte lojtari i Fenerbahçe Ulkerit, Bojan Bogdanoviç, i cili luajti me 24 pikë e 7 kërcime. Ndërsa në anën tjetër, 23 pikët e yllit nga NBA Goran Dragic, nuk mjaftuan për fitoren e radhës të Sllovenisë.

Lituanezët triumfojnë pas vazhdimeve

Edhe lituanezët, arritën të fitojnë pas vazhdimeve, në ndeshjen kundër Malit të Zi. Rezultati final i ndeshjes ishte 77-70 në favor të Lituanisë.

Qendra Ksistof Lavrinovic, ishte më meritori në fitoren e ekipit të tij me 24 pikë të shënuara.

Rezultatet e ndeshjeve