Kroatët mposhtin Poloninë

Përfaqësuesja e Kroacisë ka shënuar fitore shumë të rëndësishme dhe po aq të vështirë nga ekipi të Polonisë, të cilin e mposhti me rezultat74-70. Borozani.com

Ylli i Fenerbahçe Ulker, Bojan Bogdanovic, e kishte ditën e tij pasi realizoi 23 pikë e 6 kërcime, derisa kontribut të rëndësishëm për kroatët dha edhe Krunoslav Simon, i cili luajti me 14 pikë e 6 asistime.

Tek Polonia, 22 pikët e Michal Ignerskit nuk ishin të mjaftueshëm për t’i shmangur humbjes.

Kjo ishte fitorja e dytë e Kroacisë në Eurobasket, ndërsa Polonia ende mbetet pa e shijuar fitoren.

Italia e ndal Finlandën

Përfaqësuesja e Italisë e vazhdoi serinë pa humbje në Eurobasket. Ekipi i trajnerit Simone Pianigiani arriti ta mposht Finlandën me rezultat të thellë 62-44, e cila po ashtu para kësaj ndeshje ishte e pamposhtur.

Basketbollisti italian i Detroit Pistons, Luigi Datome, ishte koshashënuesi më i mirë i takimit me 10 pikë të shënuara, derisa ishte vetëm dy kërcime larg shifrave double-double.

Në anën tjetër, tek ekipi finlandez, i cili kishte shumë vështirësi të shënoj në këtë ndeshje, asnjë basketbollisti nuk arriti ta përmbyll takimin me pikë dyshifrore, derisa më të mirët ishin Petteri Koponen, Sasu Salin dhe Teemu Rannikko, të cilët luajtën me nga 8 pikë.

Italia tani ka bilanc prej 3 fitoreve në po aq ndeshje, kurse Finlanda ka 2 fitore dhe një humbje.

Rezultatet