Serbia pa zgjidhje për McCalebb-in

Maqedonia ka shënuar fitore shumë të rëndësishme ndaj përfaqësueses së Serbisë, e cila ishte favorite në këtë ndeshje.

Derbi i dy shteteve ish jugosllave përfundoi me rezultat 89-75 në të mirë të maqedonasve.

Plejmekeri amerikan i natyralizuar, Bo McCalebb, ishte i pandalshëm për serbët. Ai e përmbylli takimin me 27 pikë, derisa kontribut të rëndësishëm dha edhe qendra e Atlandta Hawks, Pero Antic, me 16 pikë dhe 14 kërcime.

Tek Serbia lojtari më i dalluar ishte Danilo Andjusic, i cili realizoi 19 pikë.

 

Izraeli, pengesë e lehtë për Francën

 

As pas ditës së tretë të Eurobasketit, Izraeli nuk ka arritur ta shijojë fitoren. Ekipi hebre është mposhtur nga Franca me rezultat të thellë 82-63.

Françezët, të cilët gjatë gjithë ndeshjes ishin dominant në lojë, shënuan fitore të merituar përballë izraelitëve.

Alexis Ajinca ishte koshashënuesi më i mirë i Francës me 13 pikë, ndërsa Lior Eliyahu dhe Omri Casspi, të cilët e përmbyllin takimin me nga 14 pikë secili, nuk arritën ta ndalojnë humbjen e skuadrës së tyre.

Rezultatet e ndeshjeve

Franca	Izraeli	82 - 63
Maqedonia	Serbia	89 - 75

Tabela e grupit A

1	Ukraina	3 - 0	6 pikë
2	Franca	2 - 1	5 pikë
3	Belgjika	2 - 1	5 pikë
4	Gjermania	1 - 2	4 pikë
5	Britania e Madhe	1 - 2	4 pikë
6	Izraeli	0 - 3	3 pikë

Tabela e grupit B

1	Lituania	2 - 1	5 pikë
2	Letonia	2 - 1	5 pikë
3	Serbia	2 - 1	5 pikë
4	Maqedonia	1 - 2	4 pikë
5	Mali i Zi	1 - 2	4 pikë
6	Bosnja e Hercegovina	1 - 2	4 pikë