Derbi baltik i Lituanisë

I ashtuquajturi, derbi baltik, në të cilin u përballën përfaqësuesja e Letonisë dhe Lituanisë, i takoi kësaj të fundit.

Lituanezët i mposhtën fqinjtë e tyre me rezultat 59-67, duke e regjistruar kështu fitoren e dytë në Eurobasket, sikurse që ka edhe Letonia.

Qendra 210 centimetërshe, Jonas Valanciunas, ishte më i dalluari tek fituesit, pasi e përmbylli takimin me double-double, duke realizuar 11 pikë dhe 10 kërcime, derisa tek humbësit më i miri ishte Rihards Kuksiks me 13 pikë.

Belgjika regjistron fitoren e dytë

Sikurse Lituania, fitore shënoi edhe përfaqësuesja e Belgjikës, e cila e mposhti Britaninë e Madhe me rezultat 76-71, në një ndeshje në të cilën rezultati luhatej herë në të mirë të njërës skuadër, e herë në të mirë të skuadrës tjetër.

Kontributin më të madh në fitoren e belgëve e dha Sacha Massot, i cili shënoi 15 pikë, ndërsa tek britanezët më i dalluari, dhe njëkohësisht edhe koshashënuesi më i mirë i ndeshjes ishte Daniel Clark, i cili luajti me 19 pikë e 9 kërcime.