EUROBASKET 2013
Eurozhgënjimi Turqia
7 September, 2013 @23:03
Përfaqësuesja e Turqisë, me lojën që është duke e bërë, pothuajse me padurim po pret përfundimin e kampionatit, për të shkuar në shtëpi. Dëshira e saj për fitore në Kampionatin Botëror 2010, nuk është aspak e njejtë me Europianin 2013.
Skuadra e trajnerit Bogdan Tanjeviç, pësoi humbjen e tretë, kundër Greqisë me rezultat 84-61. Lojtari i Real Madridit, Yannis Bourousis, ishte më i disponuari i ndeshjes me 21 pikë të shënuara, derisa gjithashtu lojë të mirë tregoi edhe Kostas Sloukas me 14 pikë.
Në anën tjetër, Ersan Ilyasova luajti me 13 pikë dhe ishte i vetmi në skuadrën turke, që arriti pikët dyshifrore.
Sllovenia pa humbje
Sllovenia është duke shkuar me hapa të sigurta. Fitoren e tretë në Grupin C, sllovenët e regjistruan kundër Gjeorgjisë, të cilën e mposhtën me rezultat 72-68. Domen Lorbek, luajti rol të rëndësishëm në fitoren e nikoqirëve, me 18 pikë të shënuara.
Sllovenët, tani u vendosën në krye të tabelës në Grupin C, me gjashtë pikë të tubuara.
Rezultatet e ndeshjeve
| Turqia | Greqia | 61 | 84 |
| Gjeorgjia | Sllovenia | 68 | 72 |
Tabela e grupit C
| 1 | Sllovenia | 3-0 | 6 pikë | |
| 2 | Spanja | 2-1 | 5 pikë | |
| 3 | Kroacia | 2-1 | 5 pikë | |
| 4 | Gjeorgjia | 1-2 | 4 pikë | |
| 5 | Republika Çeke | 1-2 | 4 pikë | |
| 6 | Polonia | 0-3 | 3 pikë |
Tabela e grupit D
| 1 | Greqia | 3-0 | 6 pikë | |
| 2 | Italia | 3-0 | 6 pikë | |
| 3 | Finlanda | 2-1 | 5 pikë | |
| 4 | Suedia | 1-2 | 4 pikë | |
| 5 | Rusia | 0-3 | 3 pikë | |
| 6 | Turqia | 0-3 | 3 pikë |
