PRISHTINA
Foto: KB Prishtina
Alhaji largohet, gjen skuadër të re
17 November, 2015 @21:36
Basketbollisti ganez i Sigal Prishtinës, Alhaji Mohammed, nuk do të jetë pjesë e bardhekaltërve në vazhdim të kampionatit.
Mohammed është larguar nga ekipi kryeqytetas, për t’iu bashkuar nënkampionit rumun, Targu Mures, bën të ditur agjensioni i basketbollistit, Three Eyes Sports.
Basketbollisti 192 centimetra i gjatë ka pasur mesatare prej 4.3 pikëve në FIBA EuropeCup dhe 12.0 pikëve në Ligën Ballkanike me Sigal Prishtinën.
Ditë më parë nga Sigal Prishtina ishte larguar edhe qendra maqedonase, Gjorgji Cekovski, ndërsa pavarësisht këtyre mungesave, prishtinasit arritën të shënojnë sonte fitoren e radhës në FIBA EuropeCup duke e mposhtur skuadrën rumune, Energia.
