TRANSFERI
Ardhja e House në Pejë, e pabesueshme për serbët
20 August, 2013 @12:52
Njëri ndër portalet që i kushtohet basketbollit në Serbi dhe më gjërë, e ka quajtur lajm të pabesueshëm marrëveshjen e ish yllit të Partizanit të Beogradit, Fred House, me kampionen e Kosovës, Pejën.
“Lajm i pabesueshëm vjen nga Kosova dhe Metohia. Klubi basketbollistik i Pejës ka angazhuar lojtarin e dikurshëm të Partizanit, Fred House. Idhulli i tifozëve të Partizanit që me sukses të madh ka mbrojtur ngjyrat e Partizanit në vitet 2002-2004 ka nënshkruar me Pejën, që do të garojë në ligën kosovare dhe ballkanike,” ka shkruar në mes tjerash “Kosarka 24”.
House që është transferi i fundit për momentin i Pejës, ka pasur karrierë të jashtëzakonshme dhe së fundi ka qenë pjesë e ligës NBA për zhvillim përkundër moshës së tij.
