Artin Gashi te Rahoveci

Skuadra e Rahovecit, e cila sivjet do të garojë në Superligë, ka realizuar përforcimin e parë.

Vreshtarët kanë nënshkruar me ish basketbollistin e shumë skuadrave kosovare, Artin Gashin, bën të ditur faqja zyrtare e klubit.

“Jam i lumtur që do të jem pjesë e KB Rahovecit gjatë sezonit të ardhshëm. Është një përvojë e re për mua dhe për skuadrën që për herë të parë do të garoi në Superligë. Do të punojmë shumë dhe shpresoj që rezultatet nuk do të mungojnë,” ka thënë basketbollisti 23 vjeçar me rastin e nënshkrimit të kontratës me skuadrën e tij të re.

Gashi më parë ka luajtur për skuadrat si Ylli, Bashkimi, Trepça e Peja.

Rahoveci më parë kishte arritur marrëveshje me të gjithë basketbollistët që stinorin e kaluar kishin ndihmuar që kjo skuadër të ngritet në Superligë, që t’i mbajë ata në skuadër edhe për këtë stinor.

Rahoveci këtë stinor do të udhëhiqet nga trajneri Jeton Nixha.