As Krasniqi s’ka ilaç për Prishtinën

Skuadra e vetme e pamposhtur në Superligë, Sigal Prishtina, ka fituar ndeshjen ndaj rivalit lokal, RTV 21.

Çereku i parë i derbit kryeqytetas kaloi me lojë afërsisht të barabartë, ndërsa Prishtina shkëputjen në rezultat e arriti gjatë dhjetëminutëshit të dytë, të cilën e fitoi me rezultat 19-27.

Këtë epërsi Prishtina e ruajti edhe në çerekun e tretë, madje edhe duke e thelluar atë deri në 20 pikë, kur Dardan Berisha shënoi dy pikë edhe 2:28 minuta pa përfunduar çereku (51-71).

Teleboysat e ngushtuan epërsinë e thellë deri në 11 pikë kur kishte kaluar gjysma e çerekut të fundit, por kjo ishte e tëra që arritën ta bëjnë pasi që Prishtina përsëri krijoi epërsi deri në 19 pikë duke fituar ndeshjen me rezultat 72-91.

Dardan Berisha me 21 pikë ishte më i dalluari te fituesit, derisa te 21-shi më të mirët ishin amerikanët Trey Hampton dhe Brandon Jenkins, të cilët luajtën me nga 16, përkatësisht 15 pikë.

Kjo ishte përballja e parë e trajnerit të 21-shit, Arben Krasniqi, kundër ish skuadrës së tij, Sigal Prishtinës, me të cilën ka fituar trofe të shumëta gjatë kohës sa e drejtonte ate.

Tabela aktuale.

Statistikat individuale te RTV 21

Statistikat individuale te Sigal Prishtina