VAZHDON DEBATI
REUTERS/Phil Noble
Ashpërsohet Fergie
28 December, 2012 @13:25
Kryetrajneri i Manchester Unitedit, Sir Alex Ferguson, ka qenë furioz pas deklaratave të homologut të tij nga Newcastle United, Alan Pardew.
Fergie e quajti Pardewin hipokrit, duke thënë se ai është abuzuesi më i madh i gjyqtarëve ndërsa Newcastle-in e cilësoi si një ekip i vocërr nga verilindja.
“Kam protestuar, por jo jashtë kontrollit. Çdokush e di këtë. Unë jam emocional. Më vjen keq, por unë jam menaxher i ekipit më të famshëm në botë. E jo i Newcastle-it, një klubi të vocërr nga verilindja e vendit. Përkundrazi Pardew është abuzues më i madh i referëve,” ka thënë Fergie duke kujtuar dënimet e shefit të Newcastle-it nga Federata, njofton The Sun.
Alan Pardew ka kritikuar gjyqtarin dhe Alex Fergusonin pas ndeshjes Manchester United - Newcastle. Të parin për shkak të mosregjistrimit të protestës së Fergusonit, të dytin për shkak të sjelljes së ashpër ndaj të parit.
