TURQI
REUTERS
Besiktas punon për Nenen
28 December, 2012 @13:07
Besiktas, njëri ndër tre ekipet gjigante nga Stambolli është duke shikuar mundësinë që të transferojë mesfushorin brazilian të Paris St. Germainit, Nene.
Këtë njoftim e ka dhënë vetë kryetrajneri i ekipit turk, Samet Aybaba, i cili i është përgjigjur gazetarëve në një takim.
“Në gjysmëstinor është vështirë të gjesh lojtarë të cilët janë të gatshëm të ndërrojnë ambient. Mirëpo ne jemi duke punuar shumë për të afruar Nenen në klubin tonë,” ka thënë Aybaba.
Pasi që ndërrimet e trajnerëve janë të shpeshtë në Turqi, posaçërisht të atyre turk, në rast të mossuksesit të ekipit një gazetar e ka pyetur trajnerin e bardhezinjëve nga Stambolli se sa vjet planifikon të qëndrojë në Besiktas!?
“Kam kontratë 4 vjeçare dhe për shkak të moshës nuk mund të arrijë të qëndrojë sa Alex Fergusoni në Manchester,” ka thënë sa në shaka aq edhe seriozisht 57 vjeçari.
Besiktasi gjindet në pozitën e dytë të Superlig të Turqisë dhe ka 30 pikë, vetëm 3 më pak sesa lideri Galatasaray.
