Bakken i pagabueshëm, shkelë Steauan

Rivalët tjerë të Prishtinës në Grupin E kualifikues të FIBA Europe Cup, Steaua dhe Bakken janë takuar në Bukuresht.

Steaua, që është pa fitore në këtë grup, ka pësuar për herë të katërt me radhë, ndërsa lideri Bakken Bears ka shënuar ekstremin e kundërt, duke fituar ndeshjen e katërt me radhë në grup.

Bakken ka mposhtur me 35 pikë dallim Steauan, 98-63, ndërsa Tobin Carberry ka qenë i jashtëzakonshëm me efiçencë 27, duke shënuar 19 pikë, 7 kërcime e 6 asistime në fitore.

Trajneri i ekipit danez, Steffen Wich, i ka dhënë mundësi të gjithë lojtarëve të paraqiten në ndeshje dhe atë, secili lojtar në dispozicion ka qenë me minuta dyshifrore në lojë.

Pas kësaj ndeshjeje, Bakken është lier i grupit me 4-0, që bashkë me Prishtinën 3-1, kanë siguruar fazën e radhës në FIBA Europe Cup, ndërsa Cherkaski me 1-3 dhe Steaua me 0-4 kanë humbur gjasat për të shkuar më tutje në këtë garë.