Barça ndali Fenerin

Fenerbahçe Ulker u mposht nga Barcelona me rezultat 94-81 në palestrën Blaugrana.

Skuadra nga Stambolli, nuk ishte e koncentruar fare në ndeshje, vetëm gjashtë lojtarë arritën të shënojnë pikë, prej të cilëve u dalluan më së shumti, Bo McCalebb me 22 pikë, Emir Preldzic dhe Nemanja Bjelica me nga 20 pikë secili.

Ndërsa fitorja e merituar e Barcelonës, erdhi në mënyrë ekipore, ku vetëm lojtari Mario Hezonja nuk arriti të shënonte, i cili luajti vetëm 30 sekonda.

Bostjan Nachbar, ishte ylli i ndeshjes, i cili shkëlqeu me 23 pikë e nëntë kërcime, ku u ndihmua edhe nga Kostas Papanikolaou me 18 pikë.

Feneri e kishte siguruar daljen nga Grupi A, në javën e kaluar. Ata kanë bilanc prej 6 fitoreve dhe një humbje të vetme, ndërsa Barcelona me këtë fitore e siguroi sonte daljen nga grupi. 

Skuadra katalonase, gjendet në pozitën e dytë pas “kanarinave” me pesë fitore e dy humbje.

Video

Barcelona-Fenerbahce