Vetëm pejanët në TOP 10

Alo qendra amerikane e Pejës, George Odufuwa si dhe fundori me përvojë i Pejës, Samir Shaptahovic, janë basketbollistët e vetëm nga ekipet kosovare që kanë arritur të futen në TOP 10 të më të mirëve në këtë xhiro të Balkan League. 

Odufuwa ka arritur të zë vendin e shtatë në TOP 10, derisa Shaptahovic përmbyll listën e 10 më të mirëve të xhiros. 

Dyshja e përmendur e Pejës ka qenë më meritore në lojën e treguar të ekipit të tyre ndaj Sigal Prishtinës këtë xhiro, të cilën përkundër se e humbën për pak, dhanë shpresa të mëdha për ekipin e tyre. 

Sa i përket TOP 10-shes, amerikani i ri i Kumanovës që erdhi tre xhiro më parë aty nga liga e dytë e Malit të Zi, Royce Parran, është zgjedhur basketbollisti më i mirë i javës në Balkan League, i përcjellur nga dy bashkëkombas të tij që luajnë në ekipe tjera: Noah Dahlman i Balkanit dhe Rick Jackson i Galil Gilboas. 

Odufuwa ka regjistruar 7 pikë, 12 kërcime dhe 3 asistime, derisa Shaptahovic 23 pikë, 2 kërcime dhe 4 asistime për tu renditur në pozitën 7, përktësisht 10 të më të mirëve të xhiros së gjashtë në Balkan League. 

Gjithashtu Samir Shaptahovic bëhet basketbollisti i tretë kosovar që arrin të futet në TOP 10 të ligës ballkanike në përgjithësi pas Dardan Berishës (Sigal Prishtina) dhe Drilon Hajrizi (Peja). 

TOP 10 e xhiros VI në Balkan League: