Barça, Olympiacos dhe CSKA, sigurojnë

Fitorja e Barcelonës ndaj Bayern Munchenit, 99-77, e CSKA Moskës ndaj Alba Berlinit 95-66 dhe e Olympiacosit ndaj Valencias 77-76 - ua siguroi atyre daljen nga faza e parë grupore e Euroleague këtë stinor.  Borozani.com

Dy ekipe tjera të mëdha, Real Madrid dhe mbrojtësi i titullit, Maccabi Tel Aviv, kanë ende punë për tu kualifikuar. 

Fitoren kualifikuese Olympiacosit ia solli lojtari më i mirë i tyre, Vassilis Spanoulis, që në momentet e fundit të ndeshjes shpërtheu. 

“Ne treguam karakter, zemër dhe mentalitet fitues, por performanca ishte jo e mirë,” ka thënë trajneri i grekëve, Giannis Sfairopulous pas fitores së ekipit të tij, që ktheu ndeshjes përkundër se ishin 10 pikë në disavantazh në çerekun e fundit. 

CSKA-ja në anën tjetër me lojën e mirë të Nando De Colos që shënoi 22 pikë, si dhe të playmakerit amerikan Aaron Jackson me 18 pikë kishte epërsi prej 40-15 gjatë ndeshjes dhe nuk kishte probleme përkundër se gjermanët tentuan të bëjnë diçka më shumë. 

Barcelona zgjeroi startin perfekt në gjashtë fitore. Lideri i të gjitha kohërave me pikë të shënuara në Euroleague, Juan Carlos Navarro, pastaj Bostjan Nachbar dhe Marcelinho Huertas - shënuan nga 15 pikë në natën që ekipi katalonas u kualifikua. 

Treshja e kualifikuar në fjalë, ka rekord perfekt në Euroleauge, prej 6 fitoreve dhe asnjë humbje deri më tani. 

Sonte luhen edhe tre ndeshje: Zalgiris - Real Madrid dhe Banco di Sardegna - N. Novogrod (Gr. A), Unicaja - Cedevita (Gr. B) dhe Galatasaray - Crvena Zvezda (Gr. D)

Tabelat aktuale të EUROLEAGUE: