Barça vazhdon me 100%

Skuadra e vetme pa humbje në Euroleague, Barcelona, nuk di të ndalet. Katalonasit shënuan fitoren e tetë të tyre duke e mposhtur Besiktasin në Stamboll, me rezultat të thellë 48-78.

Megjithë diferencës prej 30 pikëve, vetëm Joe Ingles u dallua me pikë dyshifrore te skuadra fituese, duke shënuar 22 pikë, derisa te turqit më i miri ishte Gasper Vidmar me 18 pikë dhe 6 kërcime.

Kjo humbje nuk i ka kushtur shumë Besiktasit, pasi që kjo skuadër më parë kishte arritur të siguroj kualifikimin në TOP 16, së bashku me Barcelonën dhe CSKA-në, në grupin D.

Në ndeshjet tjera të luajtur sot, fitore kanë shënuar edhe Real Madridi, Montepaschi Siena dhe Olympiacos.

REZULTATET:

Real Madrid - Fenerbahce Ulker 77-61

Montepaschi - Unicaja 91-72

Zalgiris - Olympiacos 63-77

Besiktas - Regal Barcelona 48-78