BARCELONA - REAL MADRID
Barcelona dominon edhe në basketboll El Clasicon
1 March, 2019 @23:42
Pas dominimit në futboll në këtë mesjavë skuadra blaugrane ka mposhtur mbretërit edhe në basketboll me rezultat 77-70 në El Clasicon e dytë të këtij stinori në Euroligë.
Pas kësaj fitore barazohen 1-1 me lojë në Euroligë, pasi që në ndeshjen e parë fituan madrilenët, në kryendeshjen e javës basketbollistët vendas luajtën mbrojtje më të mire krahas mysafirëve duke e gjetur fitoren e radhës.
Dominues në trapez ishte qendra kroate Ante Tomic te vendasit duke shënuar 22 pikë dhe 13 kërcime i ndihmuar edhe nga Thomas Heurtel i cili poashtu bëri double-double me 17 pikë dhe 10 asistime, derisa te mysafirët Rudy Fernandez ishte më i dalluari duke shënuar 15 pikë.
Me këtë fitore Barcelona ka një bilanc prej 15 fitoreve dhe 9 humbjeve, ndërsa Reali ka 18 fitoreve krahas edhe 6 humbjeve.
