OLYMPIACOS - CSKA MOSKA
Cska e sigurtë ndaj Olympiacosit
1 March, 2019 @23:31
Cska Moska edhe pse ishte mysafire e Olympiacosit arriti që të luaj lojën e saj, duke fituar me rezultat 81-97.
Pjesa e pare ishte përafërsisht e barabartë duke përfunduar me rezultat 50-51, por në pjesën e dytë mysafirët ishin më konkret në shënimin e pikëve, duke i shënuar 46 pikë, për dallim nga vendasit që shënuan 31 pikë.
Sergio Rodriguez ishte basketbollisti më i mirë në fushë duke realizuar double-double prej 15 pikëve dhe 12 asistimeve, ndërsa më së shumti pikë bëri Cory Higgins i cili shënoi 18 pikë tek Cska, derisa te Olympiacos, lojtari më në formë ishte Zach LeDay i cili ishte afër double-double duke shënuar 21 pikë dhe 9 kërcime.
Kjo ishte fitorja e 19 për rusët krahas 5 humbjeve që i kanë, kurse grekët kanë bilanc të barabartë prej 12 fitoreve dhe 12 humbjeve.
