FLET LEGJENDA
Barkley: Sixers do të hyjë në Play Off
16 July, 2017 @15:58
Njëri ndër më të famshmit në NBA, ish-basketbollisti Charles Barkley, gjatë një emisioni ka thënë se sivjet Philadelphia 76ers do të hyjë në Play Off.
Edhe pse stinorin e kaluar Phily e përfundoi në pozitën e parafundit në Konferencën Lindore, Barkley beson se në rast se lojtarët nuk lëndohen do ta shijojnë Play Offin.
“Mendoj se, nëse Joel Embiid dhe Ben Simmons mund të qëndrojnë pa u lënduar, Philadelphia sigurt do të hyjë në Play Off. Në dy vitet e fundit janë dëmtuar shumë nga lëndimet. Vetëm nëse këta dy lojtarë janë të shëndoshë, Markelle Fultz dhe JJ Redick erdhën në skuadër, është edhe Dario Sarici që ishte shumë i mirë stinorin e kaluar. Nësë nuk hyjnë në Play Off atëherë do habimet shumë.”
