BASHKIMI (F) - PENZA (F)
BOROZANI / Arkiv / Arian Paçarizi
Bashkimi +30 në derbi, seria ngritet në 5
8 November, 2019 @21:13
Vashat e Bashkimit, në ndeshjen hapëse të xhiros së pestë në Ligën e Femrave, e mposhtën Penzën me rezultat të thellë 93-60.
Skuadra prizrenase nga fillimi e deri në fund e kontrolloi ndeshjen dhe pa problem doli fituese në derbin kundër skuadrës pejane.
Tri basketbolliste te Bashkimi luajtën me 13 pikë: Saranda Daci, Aisha Balarabe dhe Khadija Brown, derisa të gjitha lojtaret në formacion sonte u paraqitën në parket.
Te Penza Valbona Bytyqi me 22 pikë dhe Melita Luci me 20 pikë ishin më të dalluarat, por nuk mjaftoi performanca e tyre për ta befasuar Bashkimin.
Bashkimi me 5 fitore dhe pa humbje gjendet në krye të tabelës, kurse Penza ka bilanc prej 3 fitoreve e 2 humbjeve deri më tani.
Në xhiron tjetër Bashkimi takohet me Trepçën, kurse Penza me Kastriotin.
