TOP 5-shja e javës në Superligë (9)

TopSporti.com ka zgjedhur më të mirët e xhiros së nëntë në Superligën e Kosovës në basketboll.

Në pesëshen e zgjedhur nuk ka lojtarë nga ndeshja Prishtina - Ylli, pasi që kjo ndeshje do të luhet më vonë.

Ekipin e javës e përbëjnë: Stevie Clark (Bashkimi), Corey Raley-Ross (Bashkimi), DJ Hanes (Trepça), Besnik Azemi (Trepça) dhe Javis Howard (Rahoveci).

Bashkimi e regjistroi fitoren e katërt rresht kundër Feronikelit. Lojtari më në formë në ligë aktualisht Stevie Clark, është zgjedhur për herë të katërt radhazi në TOP

5-shjen e javës. Clark kundër Niklit shkëlqeu me 38 pikë (shifra më e lartë e javës), 5 kërcime, 5 asistime e 2 topa të rrëmbyer.

Në TOP 5-shen e javës nga Bashkimi hyri edhe Corey Raley-Ross. Ai luajti me 27 pikë, 13 kërcime, 6 asistime e 3 topa të rrëmbyer, derisa luajti me përqindje të lartë nga tentime për dy pikë dhe tre pikë.

Trepça e fitoi ndeshjen e dytë të stinorit në këtë xhiro, duke e mposhtur Lipjanin. DJ Hanes dhe Besnik Azemi ishin më të dalluarit në këtë ndeshje.

Hanes luajti me 31 pikë, 7 kërcime e 6 asistime, derisa Azemi me 31 pikë, 10 kërcime e 2 asistime.

Rahoveci e mposhti Pejën me rezultat 75-83. Njërin nga rolet kryesore për fitoren e vreshtarëve e luajti qendra Javis Howard. Ai luajti me 16 pikë e 8 kërcime, derisa Rahoveci e regjistroi fitoren e shtatë të stinorit.