Bashkimi barazohet me Trepçën

Bashkimi ka arritur që të mposht Trepçën në duelin e fundit të tyre të stinorit para Play-Offit. Me këtë fitore, Bashkimi ka barazuar duelet e ndërsjella me Trepçën këtë stinor në 2-2 dhe gjithashtu janë barazuar edhe me pikë në tabelë të klasifikimit, dy xhiro pa përfunduar stinori i rregullt. 

Ndeshja ka qenë e nivelizuar derisa rezultati nuk shkëputej shumë kushdo që e merrte epërsinë. Bashkimi përfundoi çerekun e parë me 4 pikë epërsi, derisa një lojë e mirë e mitrovicasve solli 3 pikë epërsi në fund të pjesës së parë për ekipin e Ilir Selmanit. 

Sidoqoftë, djelmoshat e Edin Kërveshit u këndellën në pjesën e dytë dhe barazuan rezultatin në fund të çerekut të tretë në 53-53, e fitoren e arritën në fund të ndeshjes me 88-75. 

Më i miri te prizrenasit sipas statistikave ka qenë amerikani Aaron Mitchell me 20 pikë të shënuara, 9 kërcime e 8 asistime, derisa edhe Endrit Hysenagolli nuk i ka mbetur pas, duke shënuar poashtu 20 pikë dhe shtuar 10 kërcime tjera në fitoren e rëndësishme për Bashkimin. 

Te mitrovicasit, të cilët kanë përjetuar humbjen e parë nën drejtimin e Ilir Selmanit, padyshim më i miri ka qenë spanjolli i vetëm i mbetur në Trepçë, Alvaro Calvo me 21 pikë të shënuara, derisa Besnik azemi me 18 dhe Hekuran Binxhia me 14 pikë tjera - nuk arritën të shmangnin humbjen e ekipit të tyre. 

Rezultatet dhe tabela aktuale. 

Statistikat ekipore:

	Bashkimi	Trepça
Çereku 1	22	18
Çereku 2	16	23
Çereku 3	15	12
Çereku 4	35	22
Kërcime	33	28
Asistime	26	18
Bllokada	2	1
Topa të vjedhur	4	1
Topa të humbur	10	9
Tentime për tre pikë	6/20	3/23
Tentime për dy pikë	29/49	23/44
Tentime nga gjuajtjet e lira	12/15	20/24

Statistikat individuale te Bashkimi:

1	Aaron Mitchell	20 pikë	9 kërcime	8 asistime
2	Endrit Hysenagolli	20 pikë	10 kërcime	1 asistim
3	Zeljko Jovanovic	20 pikë	2 asistime	1 kërcim
4	Darrell Lampley	15 pikë	9 asistime	2 kërcime
5	Valentin Spaqi	5 pikë	4 asistime	2 kërcime
6	Rickey Young	4 pikë	6 kërcime	2 asistime
7	Qëndrim Biraj	4 pikë	3 kërcime

Statistikat individuale te Trepça:

1	Alvaro Calvo	21 pikë	4 kërcime	1 asistim
2	Besnik Azemi	18 pikë	4 kërcime	1 asistim
3	Hekuran Binxhia	14 pikë	4 kërcime	3 asistime
4	Korab Prekazi	12 pikë	3 asistime	2 kërcime
5	Fikret Handzic	6 pikë	8 kërcime	4 asistime
6	Arian Tahiri	3 pikë	3 kërcime	1 asistim
7	Valdrin Haxhiu	1 pikë	5 asistime	2 kërcime