Bashkimi fitoi dramën

Basketbollistët e Bashkimit kanë arritur që të shënojnë fitore ndaj RTV 21-shit sonte në Sezai Surroin e stërmbushur. 

Prizrenasit që nga fillimi i ndeshjes morrën epërsinë dhe ecnin sigurtë drejt fitores derisa në çerekun e tretë asgjë nuk shkonte si duhet, kurse një tresh i Ardian Krasniqit në sekondat e fundit, ua mundësoi prishtinasve që të kalojnë për herë të parë në epërsi. 

Çereku i fundit kaloi në një luftë të paparë me ndërrime të epërsisë, herë në njërën, herë në anën tjetër derisa krejt në fund portokallët shënuan fitore 81-76. 

Kush u dallua? 

Kejuan Johnson ka shkëlqyer sonte duke shënuar 35 pikë për Bashkimin, ndërsa qendra amerikane Mark Dawson ka regjistruar double-double prej 19 pikëve dhe 10 kërcimeve. Amerikani Kejuan Johnson dhe lituanezi Rokas Uzas kanë shënuar nga tre treshe secili sonte, derisa Uzas dy nga tre treshet e tij i ka shënuar në çerekun e fundit, atëherë kur më së shumti iu deshën pikët skuadrës së udhëhequr nga Muharem Vugdalic. 

Në anën tjetër te Teleboysat, u dallua turku Ersan Ozseven me 20 pikë, derisa për një kërcim nuk e arriti double-double’in, duke regjistruar 9 sosh. Organizatori amerikan, Brandon Roberson shtoi 16 pikë, derisa aloja amerikane, Kendrick Jones, 15 të tjera. Tabela aktuale

BKT SUPERLIGA/ XHIRO XXI

Bashkimi - RTV 21

81-76 Rezultati përfundimtar

(26-11; 24-29; 11-24 dhe 20-12) Rezultati sipas çerekëve

STATISTIKAT E BASHKIMIT - TOP 5

1	Kejuan Johnson	35 pikë	7 kërcime	3 asistime
2	Mark Dawson	19 pikë	10 kërcime	7 bllokada
3	Rokas Uzas	11 pikë	5 kërcime	2 asistime
4	Mustafë Merovci	7 pikë	6 kërcime
5	Qëndrim Biraj	5 pikë

STATISTIKAT E RTV 21 - TOP 5

1	Ersan Ozseven	20 pikë	9 kërcime
2	Brandon Roberson	16 pikë	2 asistime	1 kërcim
3	Kendrick Jones	15 pikë	4 kërcime	2 asistime
4	Urim Zenelaj	12 pikë	7 kërcime
5	Elvan Iljazi	6 pikë	2 kërcime