Bashkimi - RTV 21, sonte

Në kuadër të xhiros së XXI të BKT Superligës së Kosovës në basketboll, ndeshja më interesante pritet të luhet në Prizren, ku Sigkos Bashkimi pret RTV 21-shin. 

Dueli i trajnerëve boshnjak

Djelmoshat e trajnerit Muharem Vugdalic, përkundër se e mposhtën Sigal Prishtinën dy xhiro më parë, ata humbën nga Trepça (për herë të parë këtë stinor) dhe tani më u duhet fitorja për të shkuar drejt sigurimit të vendit në play-off. 

Në anën tjetër djelmoshat e Adin Adinovicit, pasi që befasuar Trepçën, kërkojnë që të njejtën t’ia bëjnë edhe prizrenasve. 

Kthimi i Iljazit dhe Zenelajt si rivalë në Prizren

Në dy ndeshjet e fundit, amerikani Kendrick Jones është duke shkëlqyer, ndërsa do të jetë ndeshja e parë e Urim Zenelajt dhe e Elvan Iljazit në fanellë të ekipit kundërshtarë pas kalimit nga Bashkimi në RTV 21 dhe do të jetë interesante të shihet si do të priten nga publiku. 

Gjithashtu, ky është dueli i dy trajnerëve boshnjak Vugdalic - Adinovic. 

Trepça për fitore në Pejë

Trepça pas fitores së madhe ndaj Sigkos Bashkimit, udhëton për Pejë, për t’u ndeshur me Vëllaznimin, që është duke e renovuar palestrën në Gjakovë. Trepça pritet të arrijë fitore rutinore, pas kthimit në formë të Drilon Hajrizit. 

Kandemir në Gjilan!

Sigal Prishtina e tronditur pas derbive, udhëton për në Gjilan për t’u ndeshur me Dritën të cilën e mposhti edhe ditë më parë në garat e Kupës. Mirëpo, është interesant fakti të shihet se a do të jetë aty trajneri i ri i Sigal Prishtinës, Ahmet Kandemir, i cili pritet të shikojë nga afër skuadrën e tij të re, pasi që sipas të gjitha gjasave ai do të merr edhe zyrtarisht udhëheqjen e ish kampionit. 

Kjo pritet të jetë ndeshja e fundit e Sigal Prishtinës e udhëhequr nga Arben Krasniqi, derisa ky pritet të kalojë në staf teknik të kryeqytetasve. Shikoni tabelën aktuale. 

BKT SUPERLIGA, SONTE: