Bashkimi konfirmohet në BIBL

Kampioni i Kosovës në basketboll dhe nënkampioni aktual i BIBL, Bashkimi, është konfirmuar si ekip pjesëmarrës në ligën ballkanike edhe këtë stinor.

Njoftimin e ka bërë të ditur faqja zyrtare e BIBL, duke treguar se Bashkimi bëhet ekipi i shtatë pjesëmarrës për stinorin e XI të BIBL, ndërsa tashmë ka mbetur edhe një vend i lirë për tu kompletuar ekipet e këtij stinori në këtë ligë.

Stinori i kaluar për Bashkimin ka qenë më i miri në histori të klubit, pasi që ekipi për herë të parë u bë kampion i Kosovës dhe për herë të parë arriti finalen e një gare ndërkombëtare duke u mposhtur nga Levski në finalen e madhe të BIBL.

SISTEMI I GARAVE NË BIBL KËTË STINOR

Këtë verë kryesia e Bashkimit është ndërruar dhe pritet të shihet se cilat do të jenë përforcimet e para të ekipit kampion të Kosovës për 2018/19 para garave në Superligë dhe BIBL.

Deri më tani në BIBL janë konfirmuar nga 2 ekipe prej 3 shteteve, Akademik dhe Beroe nga Bullgaria, Kozuv dhe Shkupi nga Maqedonia si dhe Teuta e Tirana nga Shqipëria. Bashkimi bëhet ekipi i shtatë në BIBL dhe ka vend edhe për një ekip tjetër për t’u kompletuar liga.