AARON MOSS
BOROZANI/ A. P.
Ylli i Bashkimit, zyrtarizohet në Rumani
30 July, 2018 @21:02
Njëri ndër basketbollistët më të dalluar të Bashkimit nga stinori i kaluar, Aaron Moss, është zyrtarizuar sot si lojtar i ri i Craiovës në Rumani.
Moss, që ka shkruar emrin në histori të klubit dhe të qytetit, pasi që me ekipin e Bashkimit, për herë të parë u shpallën kampionë të Kosovës, tashmë është bërë përforcimi i parë i ish-trajnerit të Pejës, Aleksandar Todorov, që do të drejtojë këtë stinor Craiovën në elitën e Rumanisë.
Playmakeri amerikan ka pasur mesatare prej 15.8 pikëve, 9.6 kërcimeve dhe 9.3 asistimeve në Superligë të Kosovës stinorin e kaluar, ndërsa në BIBL 20.2 pikë për ndeshje, 8.3 kërcime dhe 6.4 asistime për ndeshje.
