PRIZREN
Bashkimi ndërpren bashkëpunimin me të huajt
15 March, 2020 @22:53
Ish kampioni i Kosovës në basketboll, Bashkimi, ka bërë të ditur se ka ndërprerë marrëveshjet me basketbollistët e huaj të skuadrës, pas epidemisë së coronavirusit - që ka pezulluar të gjitha aktivitetet sportive në vend, me vendim të Qeverisë së Kosovës.
“Klubi me marrëveshje të dyanshme ka ndërprerë bashkëpunimin me basketbollistët e huaj Stevie Clark, Terik Bridgeman, Spenser Mitchell dhe Corey Raley Ross,” ka bërë të ditur njoftimi i klubit.
KB Bashkimi ka falenderuar lojtarët për kontributin e dhënë këtë stinor, derisa stinori tashmë është vënë në pikëpyetje edhe nga sekretarja e FBK-së, e cila në prononcimin e saj për Kohën ka bërë të ditur se opcion është edhe pezullimi i stinorit 2019/20.
